Steinunn Fjóla Benediktsdóttir

Heimasíðuskil

2003-12-01T21:18:00.000Z

Núna er 1.des runnin upp og allir eiga að vera búnir með síðuna sína. Ég er búin með mína en það er alltaf hægt að gera meira og meira í rauninni er maður aldrei búin, en ég ætla að stoppa núna. Það er talsvert síðan að ég kláraði en samt í gær fór ég að bæta meiru inná síðuna. Hægt er að sjá afraksturinn hér.

Skilatími

2003-11-24T22:22:00.000Z

Það er mjög mikið að gera í náminu. Lokaskil í nær öllum áföngum og nánast allt sett á sama tímann. Þannig að það gefst nú ekki mikill tími til þess að vera á blogginu og skrifa í dagbók. Ég var að skila tveimur verkefnum í dag og í kvöld og held að það sé komin tími að fara að hvíla sig svo að maður hafi orku í hin verkefnin á morgun þegar maður er búinn að kenna. Ég er að leggja lokahönd á heimasíðuna mína þannig að á næstu dögum má búast við að hún fari að fá sig endalega mynd. Læt þetta nægja í bili.

Annarlok

2003-11-19T23:05:00.000Z

Núna er fyrsta önnin búin í skólanum og búið að tala við alla foreldra um stöðu nemendanna. Það er alltaf gott þegar þetta er búið og hægt að fara skella sér í næstu önn. Það styttist líka í það önnin í kennó sé að klárast og fullt af verkefna skilum eru í lok mánaðarins svo það er nóg að gera á öllum vígstöðum. Ég er farin að hlakka til þega vika af desember er búinn og þá er hægt að fara í jólafrí í náminu.

Tíminn líður hratt

2003-11-13T22:46:00.000Z

Ég er búinn að vera með dóttir mína í rannsóknum í Reykjavík svo það er lítill tími í lærdóm á meðan, en svona er þetta nú bara. Ég hef lítið prófað af spjalli á netinu eins og MSN eða þess háttar mér finnst alltaf best að spjalla í síma eða auglitis til auglitis við fólk.

Sunnudagur til hvíldar

2003-11-09T18:01:00.000Z

Það er sunnudagur í dag og ég hef bara verið í því að taka á móti gestum og gefa þeim að borða. Það er alltaf gaman að fá matargesti og spjalla saman um daginn og veginn. Ég ákvað að fara aðeins á netið áður en haldið væri í fjósið og kýrnar mjólkaðar. Það styttist óðum í jólin og nóvember er mjög fljótur að líða. Mér fannst vera 1. nóvember í gær en það er kominn 9.nóvember. Tíminn líður alltof hratt. Núna eru annarskipti í skólanum og maður hefur verið að fara yfir próf og svoleiðis og síðan verða foreldraviðtöl á föstudaginn og nemendur fá afhentar einkunnir sínar. Það er alltaf svolítið púsluspil að raða niður viðtalstímum fyrir foreldra, því að þeir þurfa að fá sér frí í vinnunni og maður reynir eins og maður getur að koma til móts við alla eftir bestu getu.

Laugadagur til lukku

2003-11-08T18:31:00.000Z

Ég hef verið að vinna í heimasíðunni síðustu daga og er að verða bjartsýnni á námið núna en ég var. Power point verkefnið mitt er ekki það sama og upphaflega átti að vera. En vonandi kemur það ekki að sök. Þið getið skoðað afraksturinn hér og vonandi verði þið einhvers vísari. Að vísu á eftir að mæta ýmislegt en það kemur með tíð og tíma má ekki gleyma að sinna öðrum greinum.

allt í stressi

2003-11-03T23:39:00.000Z

Því miður hefur allt gengið á afturfótunum hjá mér. Ég ætlaði að nota helgina til að vinna upp verkefni sem væru komin í eindaga en þá þurfti tölvan að bila og það leit ekki vel út. Útlit var á að allt væri glatað af harðadisknum og hann ónýtur en sem betur fer tókst að laga það í dag og vonandi get ég farið að sinna mínum málum. Ég á power point verkefnið til í tölvunni en það er eftir að koma því á netið sem verður í þessari viku ásamt skólaheimsóknarverkefninu.

Loksins komin tími til að skrifa

2003-10-30T17:56:00.000Z

Ennþá líður tíminn og lítið sem ekkert gerist hjá mér. Ég hef ekkert að segja núna. Heldur reyni að einbeita mér í verkefnunum sem á að skila núna 1.nóv.

Engin Tími

2003-10-20T23:06:00.000Z

Það er alveg ótrúlegt hvað tíminn er fljótur að líða og verkefnin hrannast upp. Ég er alltaf búinn að koma mér í svo mikla vinnu að námið situr á hakanum, því maður vill nú ekki láta börnin sín sitja á hakanum alltaf. En svona er þetta nú bara og koma tímar og koma ráð.

Vefsíða

2003-10-13T23:36:00.000Z

Loksins tókst mér að gera eitthvað í heimasíðunni minni, en ég er búin að vera í vandræðum að komast inn í það sem ég var búin að gera í Kennó í staðbundnulotunni. En núna er þetta vonandi að koma og um að gera að vera duglegur að vinna í þessu. Gerði talsvert í kvöld og þið getið skoðað afraksturinn hér ef þið hafið áhuga á.

spjallrásin

2003-10-13T17:57:00.000Z

Ég er aðeins búin að prófa spjallrásina sem Salvör bjó til og er hún bara mjög fín. Það tekur að vísu tíma að læra á svona en ég er lítið fyrir að spjalla á netinu og hef t.d. aldrei notað yrkið eða eitthvað sem er svipað því. Hef t.d. aldrei lagt í það að nota msm einhverja hluta vegna finnst mér allt svona vera tímaþjófur. Ég fer bara á netið þegar mig vantar einhverjar upplýsingar t.d. stöðu mína á bankareikning og borga reikninga eða þá að ég sé að leyta að einhverju ákveðnu. Að vafra um á netinu nenni ég ekki að gera. Hef mikilvægara við tímann minn að gera en það.

Tæknivandræði

2003-10-06T21:40:00.000Z

Ég er í miklu vandræðum með heimasíðuna mína. Ég var byrjuð á síðunni í staðbundnu lotunni en svo þegar ég ætla að vinna í þessu heima þá kemst ég ekki inn á svæðið. Ef einhver les þetta þá endilega sendið mér póst ef þið getið hjálpað mér í vandræðum mínum á netfangið steiben@khi.is. Er ekki skylda að gera síðuna undir skolastarfinu eða má maður setja síðuna hvar sem er.

Vefleiðangur

2003-10-02T10:45:00.000Z

Hugmynd af vefleiðangri er að nemendur læri um mjólkina, hversu holl hún, vinnslu hennar og efnainnihald svo eitthvað sé nefnt. því miður er ég í vandræðum með Front page að gera vefsíðu þar en vonandi tekst það að lokum.

Tæknisaga

2003-09-27T20:57:00.000Z

Mína fyrstu tvær tölvur keypti ég notaðar, en þær nýttust mér ágætlega í því sem ég þurfti að gera og meira segja notaði ég aðra þeirra fyrsta árið mitt í kennó því að ég tímdi ekki að kaupa mér nýja tölvu og svo myndi ég kannski hætta í náminu. en fyrir ári síðan keypti ég mér fartölvu sem er að gerðinn Dell inspiron 2650 þetta er mjög góð tölva og reynist mér mjög vel hún er pentium 4 og 256 kb. Nettengingin hefur ekki verið neitt sérstök fyrst binet og síðan simnet en í ágúst þá keypti ég háhrað þráðlausa nettengingu af emax. Það hefur ekki alveg gengið snuðrulaust fyrir sig að tengjast og fyrsta mánuðinn gat ég varla tengst því að það var alltaf eitthvað að þrátt fyrir alla tæknina gekk þetta brösulega en hefur að mestu leyti verið núna til friðs fyrir utan minnihátta bilanir í tengi búnaði. Við hjónin eigum sitthvorn gsm símann, ein þráðlaus sími er á heimilinu sem er að syngja sítt síðast og stundu er ekki hægt að svara í hann vegna þess að svar takinn er orðinn frekar slitinn, þannig að þá kemur veggsíminn að góðum notum. Eitt sjónvarp + eitt mjög gamalt sjónvarp eru til á heimilinu og eitt videótæki. Við eigum ekki neina stafræna myndavél bara venjulega myndavél. Svo eru til þessu helstu rafmagnstæki eins og eldavél, örbylgjuofn, þvottavél og þurrkari sem kemur að góðum notum þegar vont veður er úti og ekki hægt að hengja út þvott.

Ég held að tæknin eigi eftir að þróast meira þá aðallega í nettengingarmálum, farsímum og videóum eða dvd. Þessi tæki eiga eftir að verða nettari og fyrirferðaminni auka þess eiga þau eftir að vera með meiri aukabúnaði en þau hafa nú þegar. T.d. eru að koma á markaðinn DVD spilarar sem geta líka tekið upp efni úr sjónvarpinu. Farsímarnir eru orðnir með myndavélum en þeir eiga eftir að þróast betur og verða fullkomnari myndavélar og jafnvel upptökuvél líka í símanum.

Kennarþing

2003-09-26T21:36:00.000Z

Ég var á kennarþingi Vesturlands í dag sem haldið var í Borgarnesi. Þar var einn mjög áhugaverður fyrirlestur um gæða hringsstundir. Þar sem komið er inn á tilfinninga vinnuna. Mjög athyglisvert efni sem vert er að skoða betur.

Pólland

2003-09-23T11:00:00.000Z

Ég hef ekki lengi skrifað í bloggið vegna þess að ég hef verið í Póllandi á fundi með þremur öðrum erlendum skólum. Þessir skólar eru frá Spáni, 'Italíu, Póllandi og svo Íslandi. Við erum í comeníusar samstarfsverkefni sem tekur þrjú ár og felst verkefnið í því að við gerum sameiginleg verkefni sem við ákveðum á þessum fundum. Í fyrra vorum við með verkefni um tré en núna tökum við vatnið fyrir. Hver og einn bekkur gerir ákveðin verkefni sem síðan eru skilað í gegnum netið. Þetta er mjög skemmtilegt verkefni og gefur okkur sem kennara mikið tækifæri til að kynnast öðrum erlendum skólum og þeirra menningu, t.d. menntakerfinu o.fl. Við fáum styrk frá alþjóðaskrifstofunni sem er í hverju landi til að fara til þessara landa en við hittumst tvisar á ári í júní og í september.

Power point

2003-09-14T21:49:00.000Z

Ég ætla að gera fyrir lestur um sauðkindina. Hvenær hún kom fyrst til landsins, afkomu hennar, fóðrun og lifnaðarhætti. Þetta ætti að nýtast í kennslu fyrir yngstu nemendurna þar sem þeir eru að læra um íslensku húsdýrin ekki bara hvað þau heita og hver afkvæmi þeirra eru, heldur ætti þetta að dýpka skilning þeirra og þekkingu á kindinni.

Vefrallý

2003-09-14T21:45:00.000Z

Vafrallýið mitt á að vera fyrir 4.- 5.bekk þar sem nemendur eru að kynna sér endurvinnslustöðina Sorpu, t.d. hvað sé flokkað, hvernig starfsemin sé o.s.frv. Í skólanum hefur mikið verið fjallað um umhverfis mál og er allt rusl flokkað t.d. fer allt lífrænt rusl úr skólanum í moltu gerð sem er á Hvanneyri. En nóg um það að sinni. Og hér koma spurningarnar.
1. Hvaða ár var byggðasamlagið sorpa stofnað?
2. Hvar er móttöku- og flokkunarstaður Sorpu staðsettur?
3. Hvaða sveitarfélög eiga Sorpu?
4. Hvaða símanúmer er í Sorpu?
5. Hver er opnunartíminn á móttökustaðnum í Gufunesi?
6. Hvað kostar moltu poki sem fæst á endurvinnslustöðunum?
7. Nefndu 3 endurvinnslustöðvar á vegum Sorpu?
8. Upp á hvað fræðslu býður Sorpa?
9. Við hvern á að tala ef maður ætlar að koma með hóp í fræðslu til Sorpu?
10. Nefndu 10 endurvinnsluflokka á flokkun úrgangs?
11. Hvar eru grenndargámarnir staðsettir?
12. Hvað er Góði hirðirinn?
13. Hvert rennur ágóði Góða hirðarins?
14. Hvar er Góði hirðirinn staðsettur?
15. Hver er opnunaríma Góða hirðarans?
16. Hvar er urðunarstaður Sorpu?

Smalamennskur

2003-09-13T09:35:00.000Z

Núna er úti rok og rigning og við erum að fara til fjalla að smala kindum. Vonandi rætist meira úr veðrinu og þá sérstaklega að hann fari aðeins að lægja svo að maður fjúki ekki jafnóðum niður aftur. En eins og alltaf þá tekst þetta að lokum gengur bara misvel, það er ekkert betra að hafa sól og blíðu því að þá verður féð svo latt í hitanum.

Útidagur

2003-09-09T23:04:00.000Z

Í dag var útidagur í skólanum en við erum alltaf með útikennslu á þriðjudögum. Við löbbuðum út í skjólbelti sem er skammt frá skólanum. Það var alveg himneskt veður í dag og börnin voru mjög iðin við að fara í allskona stríðsleiki með sprekum sem þau fundu í skóginum. En kennslan er ekki alveg eintómt leikur. Eftir að nemendur höfðu drukkið nestið sitt úti í sólinn var farið í stærðfræðiverkefni þar sem nemendur áttu að velja sér tré og teikna mynd af því í stílabókina sína. Þeir áttu síðan að mæla ummál trésins og gera á þvi allskonar mælingar. Þetta tókst nú misjafnlega þar sem sumir voru frekar latir í verkefninu.

Gott veður

2003-09-08T23:18:00.000Z

Veðráttan á Íslandi er óútreiknanleg. Í dag var þvi lík blíða að maður gat verið á stuttbuxum og ermalausum bol. Maður fór að sofa í mígandi rigningu en vaknaði í sól og blíðu. Það var erfitt að halda nemendum inni í svona góðu veðri enda var bara skellt sér út í lærdóm þar. Vonandi verður svona gott veður á morgun því að þá er útidagur og við erum úti frá 8:30 - 12:00 í allskonar útivinnu og kennslu.

Menningarferð

2003-09-07T09:58:00.000Z

Ég fór í menningarferð með fjölskylduna til Reykjavíkur í gær og meðal annars skelltum við okkur á útimarkað í Mosfellsdal. Þar var selt ný upptekið grænmeti, pestó sósur, fiskur. lækningarjurtir, kökur og margt fleira. Þetta var mjög gaman og góð stemming á markaðnum. Eftir markaðinn var skellt sér í bíó með börnin á Sindbað sæfari og skemmtu sér allir mjög vel jafnt ungir sem aldnir.

Rigning

2003-09-05T21:47:00.000Z

Það er ekki búið að vera gott veður þessa viku. Á mánudaginn fórum við í haustferðalag með nemendur úr skólanum og átti þetta vera fjöruferð en vegna veðurs var stoppað frekar stutt í fjörunni og farið meira í skoðunarferð meðal annars kíktum við á tröllin Hít og Bárð. Á þriðjudaginn var útikennsla og en einu sinni var rok og rigning en það var bara galað sig í regnstakk og haldið út í skóg.

Spjallkerfi

2003-09-01T21:56:00.000Z

Spjallkerfi er eitthvað sem ég hef ekki notað nema á WebCt sem mér líkar ágætlega og finnst mjög gott að hafa þegar maður er í fjarnáminu að öll fögin séu á einum stað, Þá getur maður fylgst miklu betur með náminu og haldið betur utan um það. Annað hef ég ekki notað og reikna ekki með að nota nema núna blogið sem er bara dagbók og mjög gott að hafa, en oft er það nú þannig að maður er latur að skrifa í dagbók en það er eitthvað sem maður þarf að temja sér að gera.

Leikjarsíður

2003-09-01T21:53:00.000Z

Ég fer lítið í leiki á netinu of hef þar af leiðandi ekki miklar skoðanir á þessu. En eftir að ég fékk betri tengingu þá hef ég aðeins leift börnunum mínum að fara í leiki og það er einna helst þá í krakkabankann og aðeins hafa þau kíkt á vefbanka Valla. Ég sjálf hef lítið skoðað þessa vefi.

Kynning

2003-09-01T21:36:00.000Z

Ég heiti Steinunn Fjóla Benediktsdóttir en er yfirleitt kölluð Fjóla. Ég er gift og á tvö börn sem eru 5 og 9 ára. Við búum á sveitabæ þar sem við erum með kýr og kindur en auk þess hef ég verið leiðbeinandi í Andakílsskóla á Hvanneyri undanfarin ár. Ég er á 5 misseri og líkar mér námið bara mjög vel.

Skólasetning

2003-08-27T22:48:00.000Z

Nú er búið að setja skólann sem ég verð að kenna í í vetur og ég er búinn að hitta krakkanna. Ég verð að kenna 2. og 3. bekk en skólinn byggist nær eingöngu á samkennslu. Flesta þessa krakka þekki ég því að ég var að kenna þeim í síðasta vetur, en í hópinn höfðu bæst við 3 nýjir nemendur sem verður gaman af að kynnast. Sérstaklega var þarna einn strákur sem virtist aldeilis þurfa að sýna athygli sína og láta ljós sitt skína. En þetta verður bara gaman að glíma við og við ætlum að vera með einn útidag í viku þar sem allt nám fer fram úti í sama hvernig veður leyfir.
Heyrumst síðar.

Nú á að taka á því

2003-08-25T22:53:00.000Z

Jæja þá er ég loksins farin að skrifa í dagbókina. Eftir að ég kom heim úr skólanum var farið beint í vinnuna að skipuleggja skólastarfið næsta vetur og auk þess að sitja nokkur námskeið hjá skólanum eins og t.d. náttúrfræðkennsla hjá Gunnhildi Óskarsdóttur og Lesið í skóginn hjá Ólafi Oddssyni en skólanum var boðið að taka þátt í því verkefni. Það eru líka búinn að vera mikil netvandræði hjá mér í allan ágúst og vonandi hefur það komist í lag núna í dag. Við skulum alla vegina vona það.

Hrefnuveiðar Íslendinga

2003-08-18T15:16:00.000Z

Íslendingar eru byrjaðir að veiða hrefnur í vísindaskini og það ríkir mikil eftirvænting meðal fréttamanna sem býða spenntir yfir því þegar fyrsta hrefnan verður skotinn. Náttúruvendarmenn eru ekki hrifnir af þessum áformum Íslendinga. Mikið hefur verið fjallað um veiðarnar í erlendum fjölmiðlum.

Það eru ágætisupplýsingar upplýsingar um hvali á Hvalavefnum.

Mörg fyrirtæki selja ferðamönnu hvalaskoðunarferðir sem eru ekki ánægð með þessar veiðar en Hafrannsóknarstofnun telur þær nauðsynlegar.

Mikil aðsókn hefur verið í hvalaskoðunarferðir og hefur talsverð aukning síðustu árin.

Slóðir til að hafa samband við fólk á netinu

2003-08-15T14:51:00.000Z

Salvör var að tala um skemmtilegan vef sem heitir friendster.
Þetta er vina síða þar sem þú getur eignast nýja vini.

Hér er svo síða um málefni.

Slóðin að einkamál síðunni er einkamál.

15.ágúst 2003

2003-08-15T14:34:00.000Z

Ég lagði af stað heiman að frá mér kl:9:00 og keyrði til Reykjavíkur í Kennaraháskólann. Fyrsti tíminn var þróun máls og málnotkunar sem er mjög áhugavert fag. Eftir hádegi var síðan tími í upplýsingatækni í skólastarfi þar sem ég sit núna og er að læra á blogger.

Byrja

2003-08-15T09:59:00.000Z

Skrifa...